Ampitatafika : Hotolorana vary ny traboina sy ny sahirana
2026-02-03 - 05:20
Toerana iray anisan’ny misedra olana amin’ny fiakaran’ny rano ny manamorona iny reniranon’i Sisaony iny. « Tafakatra any an-trano ambany rihana sy ny tokotany ary ny faritry ny toeram-pivoahana mihitsy ny rano », hoy ireo olona monina eny Anjanamaitso, fokontany Ampitatafika Vaovao. Efa tratran’ny rano niakatra intelo nifanesy ny ankamaroan’ny tranon’ olona eny. Nitombo sy niakatra be ny rano, indrindra tamin’ ny fotoana nandalovan’ny rivodoza Fytia teo. « Ho an’ Ampitatafika manokana, nahatratra telo ny trano nirodana nisy koa ny poto nianjera tamina tranon’olona. Tao amin’ny fokontany Avaratetezana ny iray ary teny amin’ny fokontany Faliarivo ny roa. Tsy nisy ny aina nafoy nandritra izany », hoy ny ben’ny Tanànan’Ampitatafika, Ramparoelina Rado. Hisy ny tolo-tanana ataon’ny kaominina manoloana izany. Hotolorana vary ireo traboina sy ireo izay tena sahirana ary ireo nirodana trano eny an-toerana, raha ny nambarany hatrany. Marihina fa maro ny antony mahatonga ny rano miakatra. Eo ny fahatsetsenan’ny lakandrano sy ny famelan’ny olona ny gony feno fasika, eny amin’ny tohodrano Ampitatafika, ka mahatonga ny rano tsy handeha. Mino