FIVOI : 40 000 zana-kazo voavoly
2026-02-25 - 04:46
Nanantanteraka fambolen-kazo tany Antanetibe Mahazaza, distriskan’Ambohidratrimo, ny faran’ny herinandro lasa teo, ny Fivoi. Nahatratra 40 000 fototra ireo zana-kazo novolena nandritra izany, nahitana karazana zana-kazo kesika sy kininina. Efa nahatratra taonina iray ny zana-kazo naparitaka tamin’ny disitrika maro manerana ny Nosy. « Miainga avy amin’ny tany sy ny hazo ary ny famerenana ny tontolo ho maitso ny fampandrosoana», hoy ny solombavambahoaka, Rajerison Antoine, nandritra ny hetsika. Nambarany fa lasa atao fomba ihany sisa ny fambolen-kazo ary tsy hifantohana sy tsy misy rafitra matipaika entina hamerenana azy ho maitso. Noho ny fihenan’ny ala eto amin’ny Nosy no miteraka tsy fahaleovan-tena ara-bary, ny tsy fisian’ny rano sy ny jiro sy ny rano tapaka lava. Ny fahalotoan’ny rivotra no mampirongatra ny aretina isan-karazany. Zava-dehibe sy adidin’ny rehetra ny fambolen-kazo. « Tokony hahay hahatsapa tena ary hanokana vola mba hitsinjovana ny hoavin’ny taranaka amin’ny alalan’ny fambolen-kazo ny tsirairay fa tsy hiandry minisitera na fikambanana isan-tsokajiny », hoy izy. Hanome tolotra sy fanampiana ho an’ireo traboina vokatry ny fandalovan’ny rivodoza Gezani lasa teo, any Toamasina, koa ity antoko ity. Mino